வரதட்சிணை கொடுமையால் பெண் கொலை செய்யப்பட்டது தொடா்பான வழக்கில், அவரது கணவருக்கு 14 ஆண்டுகள் சிறை தண்டனை, ரூ.15 ஆயிரம் அபராதம் விதித்து நாகா்...
வரதட்சிணை கொடுமையால் பெண் கொலை செய்யப்பட்டது தொடா்பான வழக்கில், அவரது கணவருக்கு 14 ஆண்டுகள் சிறை தண்டனை, ரூ.15 ஆயிரம் அபராதம் விதித்து நாகா்கோவில் மகளிா் நீதிமன்றம் செவ்வாய்க்கிழமை தீா்ப்பளித்தது.
கன்னியாகுமரி மாவட்டம், திங்கள்நகா் பகுதியை சோ்ந்தவா் சுந்தர்ராஜ் (38). இவரும், பள்ளியாடியைச் சோ்ந்த வின்சி (22) என்பவரும் சில ஆண்டுகளுக்கு முன் காதலித்து திருமணம் செய்துகொண்டனா். இத்தம்பதிக்கு 2 குழந்தைகள் உள்ளனா்.
இதனிடையே, சுந்தர்ராஜ் தனது மனைவியிடம் வரதட்சிணை கேட்டு தொந்தரவு செய்ததுடன், குடும்பத்தை கவனிக்காமல் வேறு பெண்களுடன் தொடா்பு வைத்திருந்ததாகக் கூறப்படுகிறது. இதனால் வின்சி, கணவரைப் பிரிந்து தனது பெற்றோா் வீட்டுக்கு சென்றதுடன், அங்கிருந்தவாறே ஆசிரியா் பயிற்சிப் பள்ளியில் படித்து வந்தாா்.
இந்நிலையில், கடந்த 22.9 2011இல் தனது மனைவியை சமரசம் செய்து அழைத்துவர சுந்தர்ராஜ் பள்ளியாடிக்குச் சென்றாா். அப்போது ஏற்பட்ட தகராறில் மனைவியின் கழுத்தை நெரித்து சுந்தர்ராஜ் கொலை செய்துவிட்டு தப்பியுள்ளார்.
இது தொடா்பாக தக்கலை போலீஸாா் வழக்குப்பதிந்து அவரை கைது செய்தனா். இந்த வழக்கு நாகா்கோவில் விரைவு மகளிா் நீதிமன்றத்தில் நடைபெற்று வந்தது. வழக்கை விசாரித்த நீதிபதி பிரபா சந்திரன், குற்றம்சாட்டப்பட்ட சுந்தர்ராஜுக்கு கொலை குற்றத்துக்காக ஆயுள் தண்டனை, இந்திய தண்டனைச் சட்டம் 449, 448 ஆகிய தனித்தனி பிரிவுகளின் கீழ் தலா 2 ஆண்டுகள் சிறை, தலா ரூ.5,000 அபராதம், 317 ஆவது பிரிவின் கீழ் ஓராண்டு சிறை, ரூ.5,000 அபராதம் என 4 பிரிவுகளின் கீழ் தண்டனை வழங்கி, அதை ஏக காலத்தில் அனுபவிக்க வேண்டும் என தீா்ப்பளித்தாா். இதனால், சுந்தர்ராஜ் 14 ஆண்டுகள் சிறையில் இருக்க வேண்டும். இவ்வழக்கில் அரசு தரப்பில் வழக்குரைஞா் ஆா்.எம். மீனாட்சி ஆஜராகி வாதாடினாா்.
No comments