முதல்-அமைச்சர் பொது நிவாரணத்துக்கு குமரி மாவட்ட போலீசார் நிதி உதவி

கொரோனா வைரஸ் பரவலை தடுக்கும் பணி தமிழகத்தில் முழு வீச்சில் நடந்து வருகின்றன. இதற்கு பெரிய அளவிலான நிதி ஆதாரம் தேவைப்படுகிறது. இதற்காக, முத...

முட்டத்தில் தாய்-மகளை கொன்றது ஏன்..? - கைதான தொழிலாளி பரபரப்பு வாக்குமூலம்.!!

முட்டம்: இரட்டை கொலையில் வாலிபர் அதிரடி கைது – விசாரணையில் பல திடுக்கிடும் தகவல்கள் வெளியானது

கொரோனா வைரஸ் பரவலை தடுக்கும் பணி தமிழகத்தில் முழு வீச்சில் நடந்து வருகின்றன. இதற்கு பெரிய அளவிலான நிதி ஆதாரம் தேவைப்படுகிறது. இதற்காக, முதல்-அமைச்சர் பொது நிவாரண நிதிக்கு அனைவரும் தங்களால் முடிந்த தொகையை வழங்குமாறு தமிழக முதல்-அமைச்சர் எடப்பாடி பழனிசாமி வேண்டுகோள் விடுத்தார்.

இந்த வேண்டுகோளை அடுத்து பல்வேறு தரப்பில் இருந்தும் முதல்-அமைச்சர் பொது நிவாரண நிதிக்கு அனுப்பப்பட்டு வருகிறது. அந்த வகையில், குமரி மாவட்டத்தில் அதிகாரிகள், தன்னார்வலர்கள், பொதுமக்கள், தனியார் நிறுவனங்கள் மற்றும் மாணவ, மாணவிகள் தங்களால் முடிந்த நிதி உதவியை முதல்-அமைச்சர் பொது நிவாரண நிதிக்கு அனுப்பி வைக்கின்றனர்.

அதன்படி நேற்று துணை போலீஸ் சூப்பிரண்டு சுப்புராஜ் முதல்-அமைச்சர் பொது நிவாரண நிதிக்கு ரூ.1 லட்சத்துக்கான காசோலையை மாவட்ட போலீஸ் சூப்பிரண்டு ஸ்ரீநாத்திடம் வழங்கினார்.

மேலும் குமரி மாவட்டத்தை சேர்ந்த 2 ஆயிரத்து 70 போலீசார் மற்றும் போலீஸ் துறையை சேர்ந்த அதிகாரிகள் தங்களது ஒரு நாள் சம்பளத்தை நிவாரண நிதியாக வழங்கினர். இந்த தகவலை குமரி மாவட்ட போலீஸ் சூப்பிரண்டு ஸ்ரீநாத் தெரிவித்துள்ளார்.