மணவாளக்குறிச்சி அருகே தும்பு ஆலையில் கை நசுங்கி தொழிலாளி பலி

மணவாளக்குறிச்சி அருகே படர்நிலத்தை சேர்ந்தவர் ராஜா (வயது 58). இவர் அருகில் உள்ள கூட்டுமங்கலத்தில் ஒரு தனியார் தும்பு ஆலையில் தொழிலாளியாக வேலை...

மணவாளக்குறிச்சி அருகே படர்நிலத்தை சேர்ந்தவர் ராஜா (வயது 58). இவர் அருகில் உள்ள கூட்டுமங்கலத்தில் ஒரு தனியார் தும்பு ஆலையில் தொழிலாளியாக வேலை பார்த்து வந்தார்.

நேற்று (24-09-2021) மாலை தும்பு ஆலையில் வேலை முடிந்து எந்திரத்தை ராஜா சுத்தம் செய்து கொண்டிருந்தார்.

அப்போது அவரது வலது கை எதிர்பாராத விதமாக எந்திரத்தின் பெல்ட்டில் பட்டதாக தெரிகிறது. இதில் அவரது கை நசுங்கி தூக்கி வீசப்பட்டார்.

உடனே அங்கு வேலை பார்க்கும் மற்ற தொழிலாளிகள் அவரை மீட்டு ஆசாரிப்பள்ளம் அரசு மருத்துவக்கல்லூரி மருத்துவமனையில் சேர்த்தனர்.

அங்கு அவரை பரிசோதித்த மருத்துவர்கள் ராஜா இறந்து விட்டதாக தெரிவித்தனர்.

இதுகுறித்து அவரது மகன் தினேஷ் மண்டைக்காடு போலீசில் புகார் செய்தார். போலீசார் வழக்குபதிவு செய்து விசாரணை நடத்தி வருகின்றனர்.