உலகிலேயே எடை குறைவான சாட்டிலைட்! மாணவர் ரியாஸ்தீன் சாதனை!!

உலகிலேயே மிகவும் எடை குறைவான இரண்டுவகை சாட்டிலைட்களை கண்டுபிடித்து தஞ்சையை சேர்ந்த மாணவர் சாதனை படைத்துள்ளார். கரந்தை பகுதியை சேர்ந்த ரியாஸ்...

உலகிலேயே மிகவும் எடை குறைவான இரண்டுவகை சாட்டிலைட்களை கண்டுபிடித்து தஞ்சையை சேர்ந்த மாணவர் சாதனை படைத்துள்ளார்.

கரந்தை பகுதியை சேர்ந்த ரியாஸ்தீன் என்ற மாணவர் தனியார் கல்லூரியில் பி.டெக் மெக்கட்ரானிக்ஸ் படித்து வருகிறார். அமெரிக்காவை சேர்ந்த I Doodle Learning நிறுவனம், நாசா உடன் இணைந்து நடத்தும் cubes in space என்ற போட்டியில் மாணவர் ரியாஸ்தீன் தேர்வாகியுள்ளார். 

இவர் கண்டுபிடித்துள்ள இரண்டு வகையான சாட்டிலைட்கள் 2021இல் நாசாவில் இருந்து விண்ணில் ஏவப்பட உள்ளது. இந்த போட்டியில் 73 நாடுகளிலிருந்து ஆயிரக்கணக்கான மாணவர்கள் கலந்துகொண்டனர்.

இந்நிலையில் தனது திறமையால் ரியாஸ்தீன் தேர்வாகி நாட்டிற்கு பெருமை தேடி தந்துள்ளார். 

விஷன் சாட் V1, V2 என்று பெயரிடப்பட்டுள்ள இந்த சாட்டிலைட்கள் 37mm உயரமுடையது, 33 கிராம் எடை கொண்டது. இவை இரண்டுமே தொழில்நுட்ப சோதனைக்கான செயற்கைக்கோள்கள். இந்த இரண்டு சாட்டிலைட்களும் வரும் ஜூன் மாதம் நாசாவில் சவுண்டிங் ராக்கெட் மூலம் விண்ணில் ஏவப்பட உள்ளதாக மாணவர் ரியாஸ்தீன் தெரிவித்துள்ளார்.