ஆரல்வாய்மொழி அருகே கண்டக்டர் கீழே விழுந்ததை கவனிக்காமல் டிரைவர் பேருந்தை ஓட்டிச் சென்ற சம்பவம் பரபரப்பை ஏற்படுத்தியுள்ளது. கன்னியாகுமரி மாவட...
ஆரல்வாய்மொழி அருகே கண்டக்டர் கீழே விழுந்ததை கவனிக்காமல் டிரைவர் பேருந்தை ஓட்டிச் சென்ற சம்பவம் பரபரப்பை ஏற்படுத்தியுள்ளது.
கன்னியாகுமரி மாவட்டம் வடக்கன்குளத்தில் இருந்து நாகர்கோவில் நோக்கி நேற்று பிற்பகல் ஒரு அரசு பேருந்து சென்று கொண்டிருந்தது. அந்த பேருந்து சரியாக எம்.ஜி.ஆர். நகர் பகுதியில் சென்று கொண்டிருந்த போது, கண்டக்டர் பேருந்தில் இருந்து தவறி கீழே விழுந்திருக்கிறார்.
இதனை உணராத டிரைவர், அடுத்த பேருந்து நிலையம் வரை சென்றிருக்கிறார். அப்போதும், கண்டக்டர் பேருந்தில் இல்லாதது அவருக்கு தெரியவில்லையாம்.
அந்த பேருந்து நிலையத்தில் ஏறிய சில பயணிகள், டிரைவரிடம் சென்று கண்டக்டர் எங்கே? டிக்கெட் எடுக்க வேண்டும் எனக் கேட்டுள்ளனர். இதனால் குழப்பமடைந்த டிரைவர், அப்போது தான் கண்டக்டர் பேருந்தில் இருந்து கீழே விழுந்ததை உணர்ந்திருக்கிறார்.
உடனே, அங்கிருந்து ஒருவரின் உதவியுடன் கண்டக்டர் விழுந்த இடத்திற்கு டிரைவர் சென்றிருக்கிறார். அதற்குள்ளாகவே, கண்டக்டர் கீழே விழுந்ததைக் கண்ட பொதுமக்கள் அவரை மீட்டு மருத்துவமனைக்கு அனுப்பி வைத்துள்ளனர்.
கண்டக்டர் இல்லாமலேயே சுமார் 2 1/2கி.மீ தூரம் டிரைவர் பேருந்தை ஓட்டிச் சென்று விட்டதாக பயணிகள் தெரிவித்துள்ளனர்.
No comments