மணவாளக்குறிச்சி, வயக்கரை செவன் ஸ்டார் இளைஞர்கள் நடத்திய 7-வது ஆண்டு மாபெரும் தீபாவளி திருநாள் கொண்டாடப்பட்டது

மணவாளக்குறிச்சி, வயக்கரை பகுதி செவன் ஸ்டார் இளைஞர்கள் நடத்திய 7-ம் ஆண்டு தீபாவளி திருநாள் விழா அக்டோபர் 25, 26 மற்றும் 27 ஆகிய 3 நாட்கள் க...

மணவாளக்குறிச்சி, வயக்கரை பகுதி செவன் ஸ்டார் இளைஞர்கள் நடத்திய 7-ம் ஆண்டு தீபாவளி திருநாள் விழா அக்டோபர் 25, 26 மற்றும் 27 ஆகிய 3 நாட்கள் கொண்டாடப்பட்டது.

முதல் நாள் விளையாட்டு போட்டிகளும், 2-ம் நாள் மரம் ஏறுதல் போட்டி, வினாடி வினா போட்டிகள் மற்றும் சிறுவர், சிறுமியரின் கலை நிகழ்ச்சிகள் நடைபெற்றன.

3-ம் நாளான தீபாவளி அன்று காலை 7 மணிக்கு கோலப்போட்டி, 9 மணிக்கு சிறுவர், சிறுமியருக்கான விளையாட்டு போட்டிகள், காலை 11 மணிக்கு உறியடித்தல் போட்டிகளும் நடைபெற்றன.

மதியம் 1 மணிக்கு சமபந்தி விருந்து வழங்கும் நிகழ்ச்சி நடைபெற்றது. விருந்தினை மணவாளக்குறிச்சி காவல் ஆய்வாளர் தங்கராஜ் துவக்கி வைத்தார்.

மாலை 6 மணிக்கு பல்வேறு போட்டிகளில் கலந்து கொண்டு வெற்றி பெற்றவர்களுக்கு பரிசு வழங்கும் நிகழ்ச்சி நடைபெற்றது.

இரவு 7 மணிக்கு விஜய் டிவி புகழ் பிரபு மற்றும் குழுவினரின் மாபெரும் திரைப்பட மெல்லிசை விருந்து நடைபெற்றது.

நிகழ்ச்சியில் கலந்து கொண்ட பார்வையாளர்களுக்கு செவன் ஸ்டார்ஸ் இளைஞர்கள் சார்பில் “பாப் காரன்”, “பஞ்சு மிட்டாய்” மற்றும் ஐஸ் கிரீம் போன்றவை இலவசமாக வழங்கப்பட்டது.