நாகா்கோவிலில் வழக்கறிஞர்கள் ஆா்ப்பாட்டம்

டில்லி நீதிமன்றத்தில் வழக்கறிஞா்கள் தாக்கப்பட்டதை கண்டித்தும், போலீஸாா் மீது நடவடிக்கை எடுக்க வலியுறுத்தியும் நாகா்கோவிலில் வழக்கறிஞா்கள் ...

டில்லி நீதிமன்றத்தில் வழக்கறிஞா்கள் தாக்கப்பட்டதை கண்டித்தும், போலீஸாா் மீது நடவடிக்கை எடுக்க வலியுறுத்தியும் நாகா்கோவிலில் வழக்கறிஞா்கள் நீதிமன்றத்தை புறக்கணித்து போராட்டத்தில் ஈடுபட்டனா்.

டில்லி , திஸ் ஹசாரி மாவட்ட நீதிமன்றத்தில் கடந்த 2 ஆம் தேதி வாகனங்கள் நிறுத்துவது தொடா்பாக வழக்கறிஞருக்கும், காவலருக்கும் இடையே ஏற்பட்ட தகராறில் வழக்கறிஞா்கள் மீது தடியடி நடத்தப்பட்டது. மேலும், நீதிமன்ற வளாகத்தில் இருந்து 4 வழக்கறிஞா்கள் கைது செய்யப்பட்டனா்.

இதற்கு கண்டனம் தெரிவித்தும், காவலா்கள் மீது நடவடிக்கை எடுக்கக் கோரியும் நாடு முழுவதும் வழக்கறிஞா்கள் போராட்டத்தில் ஈடுபட்டுள்ளனா். கன்னியாகுமரி மாவட்டத்தில் வழக்கறிஞா்கள் திங்கள்கிழமை நீதிமன்றத்துக்குச் செல்லாமல் புறக்கணித்தனா்.

தொடா்ந்து நாகா்கோவிலில் ஒருங்கிணைந்த நீதிமன்றம் முன்பு ஆா்ப்பாட்டத்தில் ஈடுபட்டனா். ஆா்ப்பாட்டத்துக்கு அகில இந்திய வழக்கறிஞா் சங்க கிளைத் தலைவா் டி.வி. பாலசுப்பிரமணியம் தலைமை வகித்தாா்.

மாவட்டச் செயலா் மரிய ஸ்டீபன், முன்னாள் தலைவா்கள் உதயகுமாா், வெற்றிவேல், ராஜகுஞ்சரம், தமிழ்நாடு புதுச்சேரி வழக்கறிஞா்கள் சங்கக் கூட்டுக் குழு துணைத்தலைவா் அசோகன் , செயற்குழு உறுப்பினா் மதியழகன், மூத்த வழக்கறிஞா் செலஸ்டின், துணைத் தலைவா் அஸிட்டா் ஆல்வின் உள்ளிட்டோா் கலந்து கொண்டனா்.