உகாண்டா கிரிக்கெட்: சென்னை கிங்ஸ் அணியை வீழ்த்தி தமிழ் சேலஞ்சர்ஸ் கோப்பையை கைப்பற்றியது

உகாண்டா டைகர்ஸ் கிரிக்கெட் கிளப் சார்பில் நடைபெற்ற கிரிக்கெட் போட்டிகளில் தமிழ் சேலஞ்சர்ஸ் அணி சென்னை கிங்ஸ் அணியை வீழ்த்தி கோப்பையை கைப்ப...

உகாண்டா டைகர்ஸ் கிரிக்கெட் கிளப் சார்பில் நடைபெற்ற கிரிக்கெட் போட்டிகளில் தமிழ் சேலஞ்சர்ஸ் அணி சென்னை கிங்ஸ் அணியை வீழ்த்தி கோப்பையை கைப்பற்றியது.

Winner - Tamil Challengers Team 

உகாண்டா வாழ் தமிழரான டாக்டர் வெங்கட கிருஷ்ணன் என்பவரால் உருவாக்கப்பட்ட உகாண்டா டைகர்ஸ் கிரிக்கெட் கிளப் மூலம் கடந்த 05-11-2019 ஞாயிறுக்கிழமை அன்று கம்பாலா லுகோகோ கிரிக்கெட் ஓவல் மைதானத்தில் வைத்து கிரிக்கெட் போட்டிகள் நடைபெற்றன.

இந்த போட்டியில் திருநெல்வேலி பயலுக மக்கா, தமிழ் சேலஞ்சர்ஸ், ஃபைன் ஸ்பின்னர்ஸ், சிட்டி கிரிக்கெட் க்ளப், சென்னை கிங்ஸ் உள்ளிட்ட அணிகள் விளையாடின.

Runner: Chennai Kings

விறுவிறுப்பான நடைபெற்ற போட்டியில் இறுதியில் தமிழ் சேலஞ்சர்ஸ் அணி வெற்றிபெற்றது. அந்த அணி சென்னை கிங்ஸ் அணியுடன் மோதியது.

போட்டியில் வெற்றிபெற்ற தமிழ் சேலஞ்சர்ஸ் அணி 800,000 உகாண்டா ஷில்லிங்க்ஸ் ரொக்க பரிசுடன், வெற்றிக் கோப்பை மற்றும் சான்றிதழை பெற்றது. 2-ம் இடம் பிடித்த சென்னை கிங்ஸ் அணி 600,000 உகாண்டா ஷில்லிங்க்ஸ் ரொக்க பரிசுடன், வெற்றி கோப்பை மற்றும் சான்றிதழையும் பெற்றது.

சிறந்த பந்து வீச்சாளராக சென்னை கிங்ஸ் அணியின் அஸ்ரஃப் தேர்ந்தெடுக்கப்பட்டார். சிறந்த பேட்ஸ்மேனாக சென்னை கிங்ஸ் அணியின் முபாரக், தொடர் ஆட்டநாயகனாக தமிழ் சேலஞ்சர் அணியின் நிஜாம் ஆகியோர் தேர்ந்தெடுக்கப்பட்டனர்.

தொடர் ஆட்டநாயகனாக தேர்ந்தெடுக்கப்பட்ட நிஜாம், 200,000 உகாண்டா ரொக்கப்பரிசு மற்றும் வெற்றி சான்றிதழையும் பெற்றார்.

வெற்றிபெற்றவர்களுக்கு உகாண்டா டைகர்ஸ் கிரிக்கெட் கிளப் உரிமையாளர் வெங்கட கிருஷ்ணன் பாராட்டுகளையும், வாழ்த்துகளையும் தெரிவித்தார்.