மணவாளக்குறிச்சியில் கிணற்றில் விழுந்து தத்தளித்த மயில் மீட்பு

மணவாளக்குறிச்சி, பள்ளிரோடு பகுதியை சேர்ந்தவர் அப்துல் ரகீம். இவரது வீட்டின் பின்புறத்தில் ஒரு கிணறு உள்ளது.

நேற்று மதியம் அந்த பகுதியில் உணவு தேடி வந்த ஒரு ஆண் மயில் அப்துல் ரகீம் தோட்டத்தில் உள்ள கிணற்றில் தவறி விழுந்து விட்டது.

கிணற்றில் விழுந்த மயில் வெளியே வர முடியாமல் தத்தளித்து தவித்தது. இதனை பார்த்த மக்கள், குளச்சல் தீயணைப்பு நிலையத்திற்கு தகவல் கொடுத்தனர்.

கிணற்றுக்குள் தத்தளித்த மயில்

தீயணைப்பு நிலைய அதிகாரி தேவராஜ் தலைமையில் தீயணைப்பு வீரர்கள் ஜெகன், அருள் செல்வன், சிவகணேஷ், கோகுல் சங்கர் ஆகியோர் சம்பவ இடத்திற்கு விரைந்து வந்தனர்.

கிணற்றில் விழுந்து தத்தளித்து கொண்டிருந்த மயிலை உயிருடன் மீட்டனர். பின்னர் அந்த மயிலை வனத்துறையினரிடம் ஒப்படைத்தனர்.

Page Nav