புதுக்கடையை அடுத்த மேலமங்கலம், விளாத்தி-விளையை சேர்ந்தவர் சுவாமிதாஸ் (வயது 60). சுவாமி தாஸ் வெள்ளயம்பலம் பகுதியில் புதிய கடை கட்டி வருகிறார்...
புதுக்கடையை அடுத்த மேலமங்கலம், விளாத்தி-விளையை சேர்ந்தவர் சுவாமிதாஸ் (வயது 60). சுவாமி தாஸ் வெள்ளயம்பலம் பகுதியில் புதிய கடை கட்டி வருகிறார். அதன் கட்டுமான பணியை பார்க்க நேற்று மாலை அங்கு சென்றார்.
இதற்காக அவர் அந்த பகுதியில் சாலையை கடக்க முயன்றார். அப்போது அந்த வழியாக வந்த மோட்டார் சைக்கிள் அவர் மீது மோதியது.
மோட்டார் சைக்கிளை அம்சியை சேர்ந்த சுபின் என்பவர் ஓட்டி வந்தார். மோட்டார் சைக்கிளின் பின்புறம் அதே பகுதியை சேர்ந்த எட்வட் ஜிஜோ என்பவர் அமர்ந்திருந்தார்.
மோட்டார் சைக்கிள் மோதியதில் சுவாமி தாஸ் மற்றும் மோட்டார் சைக் கிளை ஓட்டி வந்த சுபின், அவரது நண்பர் எட்வட் ஜிஜோ ஆகியோர் படுகாயம் அடைந்தனர். அவர்களை அக்கம் பக்கத்தினர் மீட்டு அருகில் உள்ள ஆஸ்பத்திரி யில் சேர்த்தனர்.
இதில் எட்வட் ஜிஜோ உடல் நிலை மோசமானதால் அவர் ஆசாரிபள்ளம் அரசு ஆஸ்பத்திரியில் சேர்க்கப்பட்டார். அங்கு சிகிச்சை பலன் இன்றி இன்று காலை எட்வட் ஜிஜோ பரிதாபமாக இறந்தார். பலியான எட்வட் ஜிஜோ நாகர்கோவில் கோணத்தில் உள்ள பாலிடெக்னிக் கல்லூரியில் படித்து வந்தார். அவர் இறந்த தகவல் அறிந்து உறவி னர்கள் கதறி அழுதனர்.
இந்த சம்பவம் குறித்து புதுக்கடை போலீசார் வழக்கு பதிவு செய்து விசாரணை நடத்தி வருகிறார்கள்.
No comments