முட்டம் சகல புனிதர்கள் ஆலய சிறப்பு திருப்பலி: ஆயர்கள் பங்கேற்பு

முட்டம் சகல புனிதர்கள் ஆலய சிறப்பு திருப்பலி நிகழ்ச்சியில் தூத்துக்குடி மறைமாவட்ட ஆயர் ஸ்டீபன் பங்கேற்றார். முட்டம் சகல புனிதர்கள் ஆலய...

முட்டம் சகல புனிதர்கள் ஆலய சிறப்பு திருப்பலி நிகழ்ச்சியில் தூத்துக்குடி மறைமாவட்ட ஆயர் ஸ்டீபன் பங்கேற்றார்.

முட்டம் சகல புனிதர்கள் ஆலயத் திருவிழா கடந்த 1-ம் தேதி கொடியேற்றத்துடன் தொடங்கியது.

அதன்பின் விழா நாட்களில் தினமும் திருப்பலி, செபமாலை, கலைநிகழ்ச்சிகள் நடந்தன. 9-ம் நாள் திருவிழா அன்று நடந்த திருப்பலிக்கு கோட்டார் மறைமாவட்ட ஆயர் நசரேன் சூசை தலைமை தாங்கினார்.

10-ம் நாளன்று காலை 6.30 மணிக்கு செபமாலை, 7 மணிக்கு திருவிழா சிறப்பு திருப்பலி நடந்தது. இதில் தூத்துக்குடி மறைமாவட்ட ஆயர் ஸ்டீபன் தலைமை தாங்கி மறையுரையாற்றினார்.

சிறப்பு ஆடம்பர திருப்பலிக்கு திரளாக மக்கள் கலந்து கொண்டனர். விழா ஏற்பாடுகளை பங்கு தந்தை அமல்ராஜ், இணை பங்குதந்தைகள் ஜோஸ் ஜெ.பெஸ்க், சகாய ஜெரோம் மற்றும் பங்கு மக்கள், பங்கு அருட்பேரவை, அருட்சகோதர, சகோதரிகள் ஆகியோர் செய்திருந்தனர்.