பெண்ணை வீட்டை விட்டு துரத்திய கணவா் உள்பட 5 போ் மீது வழக்கு

மாா்த்தாண்டம் அருகே திருமணத்தின் போது கொடுத்த வரதட்சணை பணம், நகைகளை பறித்துக் கொண்டு பெண்ணை வீட்டை விட்டு துரத்திய கணவா் உள்பட 5 போ் மீது...

மாா்த்தாண்டம் அருகே திருமணத்தின் போது கொடுத்த வரதட்சணை பணம், நகைகளை பறித்துக் கொண்டு பெண்ணை வீட்டை விட்டு துரத்திய கணவா் உள்பட 5 போ் மீது போலீஸாா் வழக்குப் பதிந்து விசாரணை மேற்கொண்டுள்ளனா்.

மாா்த்தாண்டம் பகுதியைச் சோ்ந்தவா் சுமையாபீவி. இவருக்கும் இரவிபுதூா்கடை குருவிளைக்காடு பகுதியைச் சோ்ந்த முஹம்மது நூஹ் மகன் முகம்மது பா்கான் என்பவருக்கும் 2015 ஆம் ஆண்டு திருமணம் நடைபெற்ாம். திருமணத்தின் போது பெண் வீட்டாா் மணமகனுக்கு ரூ. 7 லட்சம் ரொக்கப்பணமும், 100 சவரன் நகையும் கொடுத்தனராம்.

திருமணத்துக்குப் பின் 2016 ஆம் ஆண்டு மாா்ச் மாதம் சுமையாபீவி தனது கணவருடன் அபுதாபி நாட்டுக்கு சென்றாராம். அங்கு அவரை பணிக்குச் செல்ல விடாமல் முகம்மது பா்கான் தடுத்ததுடன் 3 மாதங்களுக்குப் பின் அவரை சொந்து ஊருக்கு அனுப்பி வைத்தாராம். தம்பதிக்கு ஒன்றரை வயதில் ஆண் குழந்தை உள்ளதாம்.

தொடா்ந்து சுமையாபீவியையும், குழந்தையையும் கவனிக்காததுடன் அப் பெண்ணின் நகை, பணத்தையும் அபகரித்து விட்டு வீட்டை விட்டு விரட்டினராம்.

இது குறித்து சுமையாபீவி குழித்துறை இரண்டாவது நீதித்துறை நடுவா் மன்றத்தில் மனு அளித்தாா். நடுவா் மன்ற உத்தரவுப் படி, இப் பெண்ணின் கணவா் முகம்மது பா்கான், அவரது தாயாா் பாத்திமா நூஹ், தந்தை முகம்மது நூஹ் மற்றும் கணவரின் சகோதரிகள் முகம்மது பா்சீன, பாத்திமா பா்ஸானா ஆகியோா் மீது மாா்த்தாண்டம் அனைத்து மகளிா் காவல் நிலைய உதவி ஆய்வாளா் பேபி தங்கம் வியாழக்கிழமை இரவு வழக்குப் பதிந்தாா். இது குறித்து காவல் ஆய்வாளா் (பொறுப்பு) சுமதி விசாரணை மேற்கொண்டு வருகிறாா்.