குமரி மாவட்டத்தில் தற்போது பல இடங்களில் கொள்ளை சம்பவங்கள் அதிகரித்த வண்ணம் உள்ளன. அதோடல்லாமல் நடந்து செல்லும் பெண்களிடம் செயின் பறிப்பு, வ...
குமரி மாவட்டத்தில் தற்போது பல இடங்களில் கொள்ளை சம்பவங்கள் அதிகரித்த வண்ணம் உள்ளன. அதோடல்லாமல் நடந்து செல்லும் பெண்களிடம் செயின் பறிப்பு, வழிப்பறி போன்றவையும் சர்வ சாதாரணமாக நடந்து வருகிறது.
போலீசாரும், குற்றவாளிகளை பிடிக்க பல்வேறு முயற்சிகளை மேற்கொண்டு வந்தாலும், தொடர்ந்து கொள்ளையர்கள் தங்கள் கைவரிசையை காட்டி வருகின்றனர்.
இந்நிலையில் நேற்று மணவாளக்குறிச்சி அருகே உள்ள மண்டைக்காடு பகுதியில் ஒரு வீட்டில் கொள்ளை சம்பவம் நடந்துள்ளது.
மண்டைக்காடு ஏவிஎம் சானல் பகுதியை சேர்ந்தவர் ஸ்ரீகுமார் (வயது 49). மரவியாபாரியான இவர் கடந்த 7-ம் தேதி காலை கேரளா சென்றுவிட்டு, இரவு வீடு திரும்பினார்.
அப்போது வீட்டின் கதவு உடைக்கப்பட்டு இருந்ததை கட்டு அதிர்ச்சி அடைந்தார். உள்ளே சென்று பார்த்தபோது ரூ 75 ஆயிரம் மற்றும் மரம் வெட்டும் உபகரணங்கள் திருடு போனது தெரியவந்தது.
இதுகுறித்து ஸ்ரீகுமார் மண்டைக்காடு போலீசில் புகார் செய்தார். போலீசார் இந்த தொடர்பாக மண்டைக்காடு, மணலிவிளையை சேர்ந்த மணிகண்டன் உள்பட 3 பேர் மீது வழக்குபதிவு செய்து விசாரணை நடத்தி வருகின்றனர்.
No comments