மம்மூட்டி படத்தின் முதல் காட்சியைப் பார்ப்பதற்காகத் தனது திருமணத் தேதியை மாற்றிய ரசிகர்!

மம்மூட்டி, உன்னி முகுந்தன், சித்திக், கனிகா, அனு சித்தாரா போன்றோ நடிப்பில் எம். பத்மநாபன் இயக்கியுள்ள மலையாளப் படம் - மாமாங்கம். இப்படம் த...

மம்மூட்டி, உன்னி முகுந்தன், சித்திக், கனிகா, அனு சித்தாரா போன்றோ நடிப்பில் எம். பத்மநாபன் இயக்கியுள்ள மலையாளப் படம் - மாமாங்கம். இப்படம் தமிழிலும் டப் செய்யப்பட்டுள்ளது.

நவம்பர் 21 அன்று வெளியாகவுள்ள இப்படத்துக்காகத் தனது திருமணத்தைத் தேதியை மாற்றியுள்ளார் கொச்சியைச் சேர்ந்த மம்மூட்டியின் தீவிர ரசிகரான மேமோன்.

வட பரவூரில் நவம்பர் 21 அன்று மேமோனுக்குத் திருமணம் நடைபெறுவதாகத் திட்டமிடப்பட்டிருந்தது. இந்நிலையில் மம்மூட்டியின் தீவி ரசிகரான மேமோன், தனது ஆதர்ச நடிகரின் படமான மாமாங்கம், அதே நவம்பர் 21 அன்று வெளிவருவதை அறிந்த பிறகு தனது திருமணத் தேதியை மாற்றி வைக்க முடிவு செய்தார்.

தனது திருமணத்தால் மாமாங்கம் படத்தின் fdfs எனப்படும் முதல் காட்சியைப் பார்ப்பது தடைபடக்கூடாது என்பதற்காக இந்த முடிவை எடுத்தார்.

இதையடுத்து கடந்த அக்டோபர் 30 அன்று திருமணம் செய்துகொண்டார் மேமோன். இதன்மூலம் நவம்பர் 21 அன்று தனது மனைவியை அழைத்துக்கொண்டு fdfs காட்சியைப் பார்க்கவுள்ளார்.